貳零壹柒年肆月捌日

返咗呢份工一個月

好唔慣 好唔慣

成Team人個個都好好

搵唔返喺香港兩星期果團火

其實係有喺度

份工係好有意義 要學嘅野都好多 好多複雜嘅電腦System 成個公司點run 佢地話正常三個月先上手

可能自己要求太高 有野唔識好正常 但係俾自己壓力太大

開頭以為自己好掂啦 入到外國公司做野 Interview都完全將自己最好嘅一面展現

入到黎先發現自己根本同”英國人”完全冇聯係 除咗係英藉外 對英國一無所知

感覺自己完全係個Outsider

同Team勁多女仔 又冇壞嘅lol 不過成班女人 加上文化差 加上我慢熱底 好難好難融入 都唔知幾耐先渾得熟

上次返香港我好興奮 超Social 勁鍾意講野傾計 覺野中英Spanish都冇話唔得 我直頭信心爆棚到覺得冇野係achieve唔到

宜家果股氣勢冇哂 可能面對新沖擊係需要D時間….

第一年去 VU 同班香港人都用左成年先熟

喺美國生活俾咗個機會我重新發掘自己,但係唔通真係返返香港先展現到我自己最好最自然嘅一面?

我真係唔知為乜又要用時間適應唔屬於自己嘅地方。係咪為左安穩d嘅生活?

宜家生活算係穩定左,亦都做緊自己鍾意做嘅野,但係突然又覺得缺少咗d野。

近排教廣東,用沖上雲霄1教,逐句台詞解釋(廣東話真係非常非常之咁有趣 可以寫十個blog), 今次睇第三次喇。

好想隻手快D好返。。。宜家每日都rehab…. 希望六月可以開始游水,向我嘅目標繼續行

Advertisements

人生Trade-off 點

人生做嘅決定就係不停咁取捨

之前同法國人傾計,引伸到思考如果第日有小朋友,會將佢放啲邊成長。放喺香港同外國各有利弊,稍後逐一討論。

之前我考慮去邊做野生活,香港美國英國,取捨位岀奇地同將小朋友放邊成長相似。

首先諗下小朋友放喺邊度大好。放喺外國嘅話,點都會個童年開心,至少輕鬆d。當然都要睇係咩家長。Asian American 家庭大有虎在。喺美國讀書識嘅Asian American, 大部份人都同Asia大嘅Asian唔同樣。總之一睇就好大機會睇得岀。美國人影相通常都會好開心,露晒齒笑。相反, Asian Asian通常都唔知做乜總係收收埋埋。又好似好多煩惱咁。重點係,小朋友應該俾佢地自由發展所長,外國應該唔會操tsa, 制造一班唔用腦嘅低能兒童(包括我自己在內haha)。

放喺外國大,自然就係個外國人。中文好可能冇咁好。父母同子女喺同一地方已經會有文化溝,再加上唔同地方成長,會岀現更深層嘅溝通障礙。喺纽西蘭大嘅親戚,個媽媽話d 仔女睇電視笑,佢都唔明。仔女話解你聽都唔明架喇。同樣tvb gag位,仔女都未必明哂。講緊呀媽已經英文fluent ,去到某個位都會有個填補唔到嘅cultural溝。我以前美國個roommate同佢由廣東黎嘅媽媽打親電話都ai哂交咁,基本上聽得岀呀仔都表達唔到英文想講嘅野。呀媽呀仔傾計就冇左果種深層次,入肉嘅交流。

放喺香港佢地就會做返香港人,識返香港中華文化,但係今時今日,放喺香港第日都未必會同我講廣東…. 可以考慮Home school, 或者唔Q生算數:0

之前諗喺邊做野都有取捨…. 外國生活會快樂D, 可以脫離香港嘅工作環境。但係我冇諗過,我根本唔遲於美國,亦唔屬於英國。我花咁多時間融入唔係做唔到,而係到頭來,家只有一個。外國中餐屎一碟都舊幾水,真係食屎好過。即使香港政治環境有幾壞,其他野冇幾差,人有幾mean, 我都想終有一日返黎 。可能都係隔黎飯香,失去左先覺得好。所以我宜家要盡量爭取同享受喺外國做野。雖然宜家真係好難適應。但係我相信我會做到。喺外國至少有條件講理想。喺香港所有人都太現實。

男女之間有純友誼嗎?

最近返香港約咗勁多朋友,嗰兩個星期係我人生最外向最social嘅兩個星期。一向慢熱嘅我都突然愛上聊人傾計,因爲同人傾計真係可以產生無限可能,可能識到超啱傾嘅人,可能識到你人生嘅伯樂,可能發現原來呢個世界有人同你諗埋同一樣咁奇怪嘅嘢!

講返喺香港,約咗個好friend嘅女仔朋友,同佢兩年冇見,約咗喺中環等,然後我哋即興入咗長洲。由於同佢太熟,我同佢無所不談。(佢其實都係個靚女) 其他人唔知會覺得我哋似情侶,但係當然唔係。我哋搭船傾計,第一次講到我哋之間微妙嘅關係。我問佢覺得男女之間有冇齋朋友,我哋嘅結論係男通常覺得冇,女通常覺得有。咁你咪前後矛盾囉?係因為我同佢性格上不合,知道大家都有turn off點,所以覺得一齊會好怪。等我之後解釋。另外,我哋都直接講咗一向:我哋知我哋係一定唔會一齊。

我自己覺得,如果男對女有意思,之間就無純友情。如果男對女冇意思,基於不同嘅原因都好,咁就可以有純友誼。

男人係唔會留女性朋友喺身邊,除非嗰個女仔1)唔sexually attracted to 你, 又或者 2) 性格上完全唔compatible。

換句説話講,如果男嘅留妳喺social circle,佢一定係對妳有意思,至少妳喺佢心目中係索女或者係好女仔/對象,咁姐係留妳喺身邊最終都係想有其他目標,姐係對妳唔止係純友誼啦。真嘅男人,無論佢會唔會講岀口,留你喺身邊,總係有其他原因,唔會只係“想做你朋友”,除非

1) 個男仔覺得女仔外表身材唔吸引,咁就有可能只係想同妳做friend,因為冇其他目標….

2) 又或者 性格上完全唔吻合,知道一齊一定火星撞地球,或者完全唔啱feel, 咁即使個女仔係正,都會選擇唔同佢一齊,或有進一步發展,咁就有可能維持朋友嘅關係。

亦姐係,個人意見,如果我真仲愛,我唔會想留妳喺身邊做”朋友”,我會完全唔再搵妳…. 因爲我想妳做我嘅伴侶,我想同你一齊係多於朋友…

之前讀過動物嘅Mating behavior, 其中講到一個theory叫做 Eager male, choosy female。係指男性造精用嘅energy好少,女性造卵每粒嘅晒嘅energy比一粒精多好多,咁一個species要成功reproduce 男就要eager d, 女性就要揀擇d, 咁d 後代先會genetically勁d, 咁個物種就有大d機會喺日後生存。

當然人唔單只係周圍搞嘢嘅動物啦。我哋有較高嘅智慧,有道德嘅考慮,我哋有後代要維繫家庭,要維繫社會,等等。

之前聽森美嘅節目講到性同愛。有性定愛先?(有性我指係因性相吸) 性一定係行先,我意思係男女之間互相吸引,一定有外表身型嘅因素,而動物都會取決呢d因素而決定呢個伴侶能唔能夠生到更好嘅下一代。所以不論我地有冇察覺,其實性會行先。當然人有少少唔同,性同愛都有重要性。有性冇愛好難維繫家庭,有愛冇性嘅愛情,現實d講好難實現 (人嘅社會有例外,例如身份明利因素影響)。

我同呢個朋友互相問咗大家一個問:有d咩原因另你覺得我唔會成為你伴侶。大家都講岀咗一d性格上令我地完全唔會諗一齊嘅特質。

我哋傾得興起,正正入肉,架長洲船已經返到中環,我又有下一埸趕住落船,好想繼續探討落去,但無奈對話就此告一段落。

人嘅一生遇到鍾意嘅人一定唔只一個,咁講一生一世嘅愛情係為咗咩?咁邊個發明咗結婚?點解愛一個人就要結婚? 可唔可以好愛但係唔”做男女朋友”? 可唔可以好愛一世一齊但唔結婚?

亦聽過唔少人講男女朋友之間就好似最好嘅朋友。下?咁究竟係友誼定愛情? 會唔會就係用 有冇性 黎衡量究竟男女之間係朋友定情人?

唔知自己Up緊乜。。。

 

 

 

Road to Latin America