Category Archives: Inspiration

男女之間有純友誼嗎?

最近返香港約咗勁多朋友,嗰兩個星期係我人生最外向最social嘅兩個星期。一向慢熱嘅我都突然愛上聊人傾計,因爲同人傾計真係可以產生無限可能,可能識到超啱傾嘅人,可能識到你人生嘅伯樂,可能發現原來呢個世界有人同你諗埋同一樣咁奇怪嘅嘢!

講返喺香港,約咗個好friend嘅女仔朋友,同佢兩年冇見,約咗喺中環等,然後我哋即興入咗長洲。由於同佢太熟,我同佢無所不談。(佢其實都係個靚女) 其他人唔知會覺得我哋似情侶,但係當然唔係。我哋搭船傾計,第一次講到我哋之間微妙嘅關係。我問佢覺得男女之間有冇齋朋友,我哋嘅結論係男通常覺得冇,女通常覺得有。咁你咪前後矛盾囉?係因為我同佢性格上不合,知道大家都有turn off點,所以覺得一齊會好怪。等我之後解釋。另外,我哋都直接講咗一向:我哋知我哋係一定唔會一齊。

我自己覺得,如果男對女有意思,之間就無純友情。如果男對女冇意思,基於不同嘅原因都好,咁就可以有純友誼。

男人係唔會留女性朋友喺身邊,除非嗰個女仔1)唔sexually attracted to 你, 又或者 2) 性格上完全唔compatible。

換句説話講,如果男嘅留妳喺social circle,佢一定係對妳有意思,至少妳喺佢心目中係索女或者係好女仔/對象,咁姐係留妳喺身邊最終都係想有其他目標,姐係對妳唔止係純友誼啦。真嘅男人,無論佢會唔會講岀口,留你喺身邊,總係有其他原因,唔會只係“想做你朋友”,除非

1) 個男仔覺得女仔外表身材唔吸引,咁就有可能只係想同妳做friend,因為冇其他目標….

2) 又或者 性格上完全唔吻合,知道一齊一定火星撞地球,或者完全唔啱feel, 咁即使個女仔係正,都會選擇唔同佢一齊,或有進一步發展,咁就有可能維持朋友嘅關係。

亦姐係,個人意見,如果我真仲愛,我唔會想留妳喺身邊做”朋友”,我會完全唔再搵妳…. 因爲我想妳做我嘅伴侶,我想同你一齊係多於朋友…

之前讀過動物嘅Mating behavior, 其中講到一個theory叫做 Eager male, choosy female。係指男性造精用嘅energy好少,女性造卵每粒嘅晒嘅energy比一粒精多好多,咁一個species要成功reproduce 男就要eager d, 女性就要揀擇d, 咁d 後代先會genetically勁d, 咁個物種就有大d機會喺日後生存。

當然人唔單只係周圍搞嘢嘅動物啦。我哋有較高嘅智慧,有道德嘅考慮,我哋有後代要維繫家庭,要維繫社會,等等。

之前聽森美嘅節目講到性同愛。有性定愛先?(有性我指係因性相吸) 性一定係行先,我意思係男女之間互相吸引,一定有外表身型嘅因素,而動物都會取決呢d因素而決定呢個伴侶能唔能夠生到更好嘅下一代。所以不論我地有冇察覺,其實性會行先。當然人有少少唔同,性同愛都有重要性。有性冇愛好難維繫家庭,有愛冇性嘅愛情,現實d講好難實現 (人嘅社會有例外,例如身份明利因素影響)。

我同呢個朋友互相問咗大家一個問:有d咩原因另你覺得我唔會成為你伴侶。大家都講岀咗一d性格上令我地完全唔會諗一齊嘅特質。

我哋傾得興起,正正入肉,架長洲船已經返到中環,我又有下一埸趕住落船,好想繼續探討落去,但無奈對話就此告一段落。

人嘅一生遇到鍾意嘅人一定唔只一個,咁講一生一世嘅愛情係為咗咩?咁邊個發明咗結婚?點解愛一個人就要結婚? 可唔可以好愛但係唔”做男女朋友”? 可唔可以好愛一世一齊但唔結婚?

亦聽過唔少人講男女朋友之間就好似最好嘅朋友。下?咁究竟係友誼定愛情? 會唔會就係用 有冇性 黎衡量究竟男女之間係朋友定情人?

唔知自己Up緊乜。。。

 

 

 

第一日返工

夢寐以求嘅一刻, 終於有工開
做環保, 開正我果範
唔知點解,每當開始一段新關係, 我都會有好大阻力
同人嘅係
今次係同工
好多野好唔慣
好怕生po
感覺好似第一年去 VU
去Berkeley又有呢種感覺
去南美頭幾日又係咁
入Point Reyes頭幾日又係咁
今次都唔例外
但係一次比一次進步
雖然每次都有適應期,但係每一次最後都做得好好,好唔捨得咁走,今次亦唔會例外
加油呀自己
🙂

可咆哮歌曲系列- 藍藍天空高掛我的夢

分別喺塔門同海下都帶左結他
喺山林咆哮, 與結他結合達至忘我境界, 好鬼正
諗唔到唱咩嘅時候,突然呢d歌就擁出黎

<海闊天空>

今天我 寒夜裡看雪飄過
懷著冷卻了的心窩漂遠方
風雨裏追趕
霧裡分不清影蹤
天空海闊你與我
可會變(誰沒在變)

多少次 迎著冷眼與嘲笑
從沒有放棄過心中的理想
一剎那恍惚
若有所失的感覺
不知不覺已變淡
心裡愛(誰明白我)

原諒我這一生不羈放縱愛自由
也會怕有一天會跌倒
背棄了理想 誰人都可以
那會怕有一天只你共我

<光輝歲月>
鐘聲響起歸家的訊號
在他生命裡 彷彿帶點唏噓
黑色肌膚給他的意義
是一生奉獻 膚色鬥爭中

年月把擁有變做失去
疲倦的雙眼帶著期望

今天只有殘留的軀殼
迎接光輝歲月
風雨中抱緊自由
一生經過傍徨的掙扎
自信可改變未來
問誰又能做到

可否不分膚色的界限
願這土地裡 不分你我高低
繽紛色彩閃出的美麗
是因它沒有 分開每種色彩

<紅日>

命運就算顛沛流離
命運就算曲折離奇
命運就算恐嚇著你做人沒趣味
別流淚 心酸 更不應捨棄
我願能 一生永遠陪伴你

一生之中兜兜轉轉 那會看清楚
徬徨時我也試過獨坐一角像是沒協助
在某年 那幼小的我
跌倒過幾多幾多落淚在雨夜滂沱
一生之中彎彎曲曲我也要走過
從何時有你有你伴我給我熱烈地拍和
像紅日之火 燃點真的我
結伴行 千山也定能踏過

<年少無知>

如果命運能選擇十字街口你我踏出的每步更瀟灑
如果活著能坦白舊日所相信價值不必接受時代的糟蹋

<藍天>

藍藍天空高掛我的夢
深海 潛入最深追逐確與眾不同
沿途快樂自由陪伴我
美夢成真因你讓我到處去碰

<14天>

我始終需要情歌
沉睡在昨日一起的感覺
14天的光陰不算悲劇收場
曾共你一起走過已不錯
要走的都要離開
還是換了另一種方式去愛
投入過一分鐘 足夠一直收藏
承認共你很相襯 但再沒法一起

給F小姐的信

想講聲多謝妳
多謝妳嘅岀現 令我反思自己人生 令我更珍惜親人

想講聲對唔住
我做事灑脫 有d說話我唔鍾意轉灣未角 如果hurt到妳真係好對唔住
我個人就係咁真
有人話對女人唔可以講真話
我可以好賤咁呃妳
但我做唔到

我都估唔到我地會咁完結
我點解仲要打呢d… 點解我行開去維園都想要喊 點解我以為好潚灑但我又要回望妳….

我嬲妳…因爲我只想親近妳…點解妳要完全唔肯….

我有諗過如果我話唔會 結果有咩唔同
如果我唔答就錫妳一啖 唔知結果又會點
妳話妳只係咁啱岀現,引起左我興趣,就算邊個岀現,我都會以為我會愛上左佢

唔係架,每個人都唔同,冇野可以代替我地之間嘅感覺….

諗深一層,我地無論果晚有冇相見,我地根本一齊唔到
未會傷到大家時 或許有個了斷對大家都係好事. 或者一切都係注定左

我知妳愛自由
我地盡情愛我地身邊嘅人 盡情探索呢個世界

妳呀,記住有方向d
好多野唔好俾Stereotype 呃左 好多野都係事在人為
妳有一顆掘強嘅心 口硬心軟
做任何事都認真d
我自己鍾意行多幾步 為其他人著想
之前問過妳份工有咩使命
如果我做空服 我嘅使命會係真心提供一個舒適愉快嘅旅程

我希望妳繼續搵返自己 要改嘅習慣就改喇 學你話齋 繼續快樂 珍惜身邊嘅人

妳知我愛過 我就無憾了
多謝你令我重新學會珍惜親人
妳嘅岀現間接幫左我反思我嘅人生
尼斯我應該唔會再同其他女孩子去….果度我覺得係屬於我地…

我地隨緣啦

多謝妳,我宜家好快樂,妳都要快樂

點解點解

點解個個都話返工係苦悶?點解唔可以寓工作於娛樂?點解唔多d人會去做多d瘋狂嘅事,如果一生得三十歲,你會想冇憾地過?點解我細個咁乖,乜都聽呀爸呀媽話,連自己想踢校隊都唔敢講?點解呀媽俾我等一個關於愛情嘅advice就係唔好要生要死?點解唔係話要give多d love? 愛唔係應該愛到轟轟烈烈至死不渝架咩?點解我地要咁口是心非?點解唔可以做危險嘅野?點解作爲香港人亞洲人,我處處都總有掣肘?點解人會活喺呢個世界?點解人要為錢工作?點解錢值錢? 錢由邊度黎架?不如去個荒島住仲好。

我唔信乜乜一定係咁咁咁。咩叫一定。我將來嘅工一定要係有義意改善地球環境嘅,我會每日急不及待返公司。我要繼續追夢,我想做足球員,我想做桌球手,我想做三項鐵人,我想彈結他開show,我想去旅行賣藝,我想去Cuba, 我想返去Colombia跳salsa, 幾年後環遊世界,我想返香港旅行行山食野探朋友,我想返香港做個救護員……

第一步已經完成。我會將佢地一一實踐!我想點就點! : )