我們轟烈地愛一場, 好嗎?

二零一七午一月十日 11:15am

同法國人上星期嘅對話,引發我不斷思考,設設實實理解佢哋嘅思想。上星期傾到人生嘅意思係乜,如果人生有限,咁我地係咪更應該轟轟烈烈咁追一場夢、愛你愛嘅人、做你想做嘅事?如果人生得返十年、一年,你會點用餘下嘅時間?

法國人話愛、快樂、自由係佢哋一岀世就想追求嘅嘢。佢話讀大學時,冇一日同飲酒冇關。星期四晚有night 活動,所以要飲。星期五係weekend前,所以要飲。星期六、日故名思意要飲。星期一,因為weekend飲到wunwundundun,所以要飲。星期二係唯一一日可以上下堂。星期三,因為星期四又開始party, 所以又要開始飲。當然佢可能係例外。但係佢哋生活係一種佢哋鍾意做咩就做咩嘅世界,同我哋刻版嘅教育完全相反。佢話我哋好似印帽咁,個個都一式一樣。佢哋西方嘅教育就係將佢哋放入一個大箱,任由佢哋自己周圍闖、學習、碰釘、之類。所以點解我去summer camp發現外國小朋友咁有冒險精神,而我哋好似做乜都好似畏首畏尾。宜家嘅香港小朋友有冇獨立思考?我唔知,至少我覺得我細個冇。由細我都跟住其他人做乜我就做乜,生活細節,例如自己最鍾意嘅嘢都唔知,因為從來冇咁諗過。或者呢樣就係我哋咁多顧慮嘅原因。而點學習佢哋,必須從佢哋嘅核心思想岀發— Love, happiness, freedom。

佢哋愛。佢哋生活著重connection, 傾計。男仕會對女仕好周到。佢哋會周圍flirt,周圍搞,得到佢哋想要嘅快樂。香港著校服拖手已經係禁忌。 佢話法國食煙好正常,同埋男食煙的話,女會覺得好型。一切一切都因爲文化價值而塑造岀唔同行為(behavior)。文化價値不同,另東西嘅兩性關係都截然不同。當然我講嘅唔係一概而論,係一種stereotype, 我覺得都可以反映事實嘅一部份。意大利人同法國人話,如果佢哋同佢哋女朋友一齊一至六個月內都唔搞嘢,肯定係佢哋嘅關係有問題。我就話,如果你哋同亞洲女仔有同一要求,有較大機會佢哋會飛咗你。我只係覺得好有趣,同一個行為,喺唔同文化,可能得岀好唔同嘅結果。

佢哋追求快樂、自由。法國人話佢覺得我哋嘅生活就係為工作,為金錢,為生存。佢哋會同人傾計。法國人話一去到香港時,冇辦法接受大部分香港人果種返工放工、冇娛樂嘅生活模式。佢以前住嘅dorm好少人會傾計,好少人會同佢socially飲酒,好多人只自己做自己野。 但係飲酒係傾計社交嘅機會,從而了解別人,了解自己。我們仨繼上次一齊煮意粉之後,我地諗住再gathering。今次意大利人仲nap緊,所以法國人就問我想唔想飲少少傾下計。於是紅酒加pizza晚餐 加對話,造就左另一次豐富嘅晚餐。

我飲到去一個optimal point(表達,甚至思考能力比正常為敏捷)就冇飲落去。 我開頭飲到第一個stage好攰好唔清醒,之後佢話第二個stage會說話表達能力會提升。我半信半疑,飲多左少少,英文真係順左!佢話再飲就會到思想有突破嘅一個stage, 之後就到fuck up嘅stage : p 我到第二個stage 意大利人就加入,對話冇得再深入落去,而我都冇再飲。其中最發人心省嘅就係一條問題:既然你認識東西文化,你會點raise你嘅小朋友?喺邊度raise?呢個問題夠寫另外一篇… 事實係,紅酒與享受生活同愛分享嘅文化先吻合。

我又諗,有冇機會我可以將我日後嘅經驗同知識,透過教育,改變香港人嘅生活、思考模式,令香港人更快樂?

對自己喜歡嘅人,係咪都應該唔理結果,轟烈地愛一場,然後再算吧?有時抽離,係因為環境因素,不得不專注自己生活。但係,我發現,我越抽離,就越情不自禁地想妳,夢見妳….

12:45 pm

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s