如終需一死,我們怎樣在有限時間尋人生意義?如目標不定,每日奮鬥追夢還値得嗎?

二零一七年一月四日
10:36am

琴日同法國Roommate傾到人生嘅purpose。事原我問佢點解食煙。 之後講到點解歐洲美國人咁open咁鍾意做愛,而又可以咁casual。點解咁多divorce? 東方似乎相反。係傳統觀念?家庭觀念?身體結構特徵不同?結婚係社會定形?定係由心而發之情?上帝存在嗎?人生又係為左尋找d咩?

Roommate係個法國人。而我宜加有兩個roommate, 另外一個係意大利人。法國人去過香港exchange一個學期, 操一句流利嘅廣東話— DLLM:) 佢一搬入黎似乎幾nice, 我地三個都有傾有講。佢講到佢試過因飲醉同伴郎打交搞wor佢女朋友呀媽嘅婚禮,而同佢之前嘅對話,佢好似講野有d似唔誠實,所以對呢個人有少少保留。

我問佢點解要食煙?我讚同佢一點: 就係俾一個空間自己思考e.g. 岀我地露台。 同埋係一個social機會。之後我地岀左露台繼續我地嘅對話。

咁食煙有害嗎?佢話佢唔係白痴, google過 “十年後吸內左嘅野之後都會離開身體”。我話即使有冇害冇人知,何不用其他方法?岀露台嘆杯茶得唔得?都可以達成同一目的—搵到自己嘅思考空間。佢話想享受,反問我為左生活可以去到幾盡,何不享受?佢又問我生活其實係為左d乜? 我地望住London Paddington 嘅高速,佢食住煙,我一路避開佢d二手煙,喺兩三度嘅氣溫下,望住高速公路嘅車,佢話: 倫敦人渣車返工放工,都只係為左生活,有冇人仲有理想?

DSC_0882.JPG

我問佢人生盡頭,如果因爲當初冇顧後果嘅行為令人生短左,你會後悔嗎?佢話如果活得精采,有何後悔?人終需一死。佢問我我人生追求d咩。我一時答唔岀。我話我想快樂,想做一個更好嘅自己,想做環保、能源改善環境。例如做一個更有責任嘅男人。佢話,咁不斷進歩,做一個更好嘅自己,又係為左d咩?同人比較下快樂?同自己比較有進步後,再突破自己,咁又係快樂嗎?佢又不無道理。

岀左去五分鐘,因為太凍,佢chur埋支煙我地就返左入去。

我又諗,地球幾億年後都可能化為灰燼,我岀力做減排救得一百幾十年究竟有冇意義?我又諗,係我地思想太多顧慮,定西方思想太無顧慮?

我反思, 覺得人生係份禮物,係美好嘅。天大地大,上天下海,大自然之美等等。我路上結識嘅朋友、親人就夠好。至於我自九月經常定嘅個人目標又係為左乜?我d 100 day project— 每日寫成語,art,學語言,玩音樂,又係為左d咩?一、我做呢d事會令自己快樂,所以我做。二、搵人生purpose、使命。同個人目標唔同。 我希望改善環境,即使係機會渺茫,我都想貢獻自己逆轉氣侯變化。但地球只係宇宙一粒塵,咁我奮鬥有咩意義?有,令有機會享用嘅人享用。人,係塵土中嘅塵土,有不快,我地都微不足道。那為何不快?但唔好睇少你嘅影響力。

記得Roger嘅Bio notes 前言分享三個裝修工人嘅故事。三個都係搭緊磚: 一個話自己搭緊磚,一個話自己起緊座大廈,一個話自己改善緊人嘅生活。我諗我份potential NGO我都要以呢個心態工作。

又記得五年前臨離開香港時,周祉熲話諗下你想你喺自己喪禮,朋友們會點形容你。第一年新年佢托朋友handmade左一張賀年咭俾我 (我每次拎岀黎睇都會覺得靚到嘩一聲) 佢話越近死亡,才能懂得生活。

rsz_1nycard

第二朝我同我一位好好嘅朋友Jarquis分享我同法國人嘅對話。佢轉行做life coach, ig每日寫quote.

https://www.instagram.com/jarquisinspirations/

可能就係因爲佢一句,think beyond space, 令我諗咁多野。我問佢,人進步為左咩?佢話最終都你為左自己,為左快樂。我就問佢what makes you happy then? 佢答“Following my purpose, inspiring others, redirecting people mind to do better for themselves. Ultimately doing what’s true to me.” 而我嘅purpose可能就係幫下呢個美好嘅地球。點解生活?因爲有人,因為有愛。去完法國, 鄧家敏話人嘅生活要有愛,同其他人有接觸,先會感受到自己嘅存在。

我起身後成朝就諗琴日嘅對話,完全專心唔到做其他野。我完成每日routine, 下晏岀左去Hyde Park跑步, 聽住周國賢嘅時空同年輕人們,好似有少少唔同嘅得著… 夜晚教廣東話,當然每堂都咁開心。學生講到想轉工,所以我同佢就分享以上嘅對話,作為教材。最後佢同我講,有時間就冇錢,有錢就冇時間。

再前一日收到一間環境NGO邀請見工,可能好快就冇得咁多時間。咁宜家襯有空餘,我可以再諗做咩會令我快樂。教廣東話、畫野、睇書、彈結他、做運動、第日去旅行、養隻狗、學下跳舞…. 人生咁好,應該珍惜時間,對身體多加照顧,活得耐d, 享受世界嘅時間多一d, 唔代表唔可以care less同活在當下。

點解我每日定目標,做個更好嘅自己?因為快樂,因為可以享受世界一切。因爲你為人生purpose而走。因為有人,因為有愛。

你活著又係為左咩?

11:05 am

Advertisements

9 thoughts on “如終需一死,我們怎樣在有限時間尋人生意義?如目標不定,每日奮鬥追夢還値得嗎?”

  1. 人生最大天敵就是空虚……既然已定下安身立命之志,何不勇往直前大幹一場再說……未必能百分百自我实现,也至少減低空虛的侵蝕!

    1. 也有道理。跟自己所定的方向走便不至空虛渡日。但如弄不清大幹一場究竟所謂何事,到頭來白白大幹一場,走回原地,發現目標離現實太遠,甚至目標理想地只屬人主觀領悟,根本不存在, 那豈不是浪費一番精神?我至少要能說服自己奮勇直前還有一絲影響力,才能繼續前行。

      1. 不太明白您说的“一絲影響力”是些什麼!?Anyway, 我想补充的是:走人生路,若事事都以先評估結果。才后动,往往只落得寸步难行、猶豫不決,因為每事結果必如黄兴桂描述十二碼……一係入、一係唔入……五十五十……怎么想也只会是一样……行动起來才能令人感到活过……人跟其他动物不同在于我們需要“meaning”, 否則您也不会擬出今次的討論主題!但阅历告訴我“meaning”不能单憑”想”就能figure out, 这还要由行動把它construct出來……行动和想法是imteractive的!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s