給十年後的我

薛凱琪 湯駿業 – 給十年後的我

親愛的十年後的我:

十年後嘅你, 你宜加喺邊? 做緊d咩呀? 唔知你宜加去左世界嘅邊一個角落? 你呢十年你怏樂嗎? 我宜加喺美國五年喇, 中間停左一年去南美唔使我提你啦. 暑假去左Point Reyes Summer Camp 做左兩個月, 仲唔記得Scout 同Burl 呀?

16年八月中我返返去Berkeley, in 左兩份工, 兩份都俾人turn down左. 其中一份係SF Department of Environment 做 unpaid intern. 我一直都好想入去做, 希望博一個機會, 入到去就可改變世界, 同時改變我自己生活. 9月1日前, 我收到通知, 佢地已經請左另外一個人. 我頹左一日, 同自己講第日可能會搵到份更適合你嘅呢?

踏入9月份, 我開 turbo, 每日報一兩份工. 同時為左解悶分心, 每星期跑三日步練半馬, 希望籍長跑訓練自己突破心理同體能嘅關口, 而鼓勵自己搵工難都可以捱過. 每個星期我睇住自己愈跑愈長, 我同自己講繼續 push 一定好快到去21km. 踏入9月份, Kyle送左塊滑板俾我, 我從此每日都踩板返學, 仲愈踩愈快, 愈踩愈斜. 9月10日, 我上午踢完波後(farewell Victor去Switzerland讀書), 原本佢地話夜晚想落bar,不過我踢完波已經好攰加上想自己一個靜靜地咁過, 所以拒絕左. 到左夜晚, 我又 send 左一份job application. 之後我好想出一出去抖下氣, 所以一個人出去踩左轉板.

經過兩星期每日練習滑板, 的確進步左好多. 既然進步左,我決定踩微斜. 微斜冇問題, 跟住! 就試左一條好短好斜嘅(斜落然後斜上). 呼, 第一下差少少仆. 之後試左左四五次, 完全冇問題. 好興奮咁諗住返屋企啦, 有一條比剛才1/3咁斜, 但係長15倍, 加只有落冇上. 一路落愈來愈怏, 快到一個點我已經冇能力減速. 我一路保持平衡, 去到就到盡頭嘅平路, 速度亦去到最高.  呢個時候我一失平衡, 個人離板, 我好似平時咁雙腳落地, 希望可以好似平時咁好快咁向前跑卸左度力. 但係果時速度實在太高, inertia不等人, 我向前一仆, 右手著地, 立即有人走日問我有冇事. 我見到右前臂有個位卜起左, 皮膚自己彈下彈下, 右手前臂完全控制唔到, 手指痲痺, 然後四周變白, 差d就想暈低. 路人幫我call左架uber去emergency room.

img_20160913_231404

因為冇保險, 手術幾皮美金點玩… 同一晚決定盡快返香港. 3am我個德國roommate仲喺廳未瞓, 終於可以搵個人傾訴下…. 瞓前我喺床上諗到要走, 流左幾滴眼淚, 因為我唔想美國夢就咁一跌粉碎. 之後好好彩我可以買到保險. 我決定買個機會, 第二日落San Diego呀哥度養傷、繼續搵工同快d好返. [手術三皮變九舊真係好好彩]

唔知你仲記唔記得, 你做手術俾人打左high針, 然後全身痲醉果種感受. 做完手術冇得沖涼, 右手暫時失去左活動能力, 寫字揸筷子都要用左手.. 不過我真係完全冇氣餒. 我繼續每日send job application, 終於俾我有多兩次interview機會.

事到今日, interview仲未有回音, 手已經郁得返, 距離90 employment days 嘅visa要求已經得返25日.

img-20161003-wa0006

踏入十月份, 我in左另外一份工後失哂動力, 只係報左兩三份工, 另外我打返未打好嘅遊記, 四日打左十篇! 因為未有job offer, 我開始懷疑自己, 開始愈來愈大壓力. 又好驚會墜入同人比較嘅困局, 同年同學早已喺兩二三年前已經做緊野, 究竟點解好做mut都要遲人一步?

呢種念頭一閃我就叫自己要停. 我要保持樂觀, 同時作最壞打算. 可以做住unpaid intern 吊住鹽水先, 不過唔ideal. 返香港? 我掛住香港, 同時好驚香港人性格同生存模式, 好驚返去會變返做冷漠、事事批評人嘅工作奴隸.  英國同歐洲都係一個考慮. 至少我做咩工都得, 唔似美國visa有限制. 我大可以喺cafe做assistant, 教廣東話, 或者做hostel staff!! ok wor! 岩岩見到Sheffield 同Prague都有份ok嘅hostel 工!! 做一兩年有經驗可以去唔同地方嘅hostel做!! 去歐洲好去喇Brexit之後時勢唔知會變到點.

好奇怪. 好多好朋友都同我講, 神會安排.我一路都唔信神, 我信只要努力, 做個好人, 命運會安排. 不過自3月返返Vincenes, 我同Jarquis飲酒吹水, 佢同我講神無處不在, 我又係半信半疑. 我跌斷手Fabi同我講可能係神安排.  我interview 前Natalie 話會替我祈禱. 琴晚Njeri又同我講會幫我祈禱.   感覺好似有人要透過佢地同我講野咁. 唔知呀.

喺十年前, 你入summer camp又開始寫journal. 你寫低左好多短中長嘅目標. 今日諗左去英國嘅option, 令我多左新諗法. 我有好多野想嘗試, 我想有氣有力就去試, 我唔想你後悔呀你明唔明呀. 希望你宜家讀緊呢封信嘅時候, 即使未必可以將所有野實踐, 但至少你要試過!

1) 我好希望可以喺美國city government做三年環保/ 能源工作, 唔得就去英國做

2) 我想pick up返結他, 有一日搞個屬於自己嘅音樂會

3) 我想學跳舞, hip hop, salsa, lindy hop都正到喊

4) 我想參與至少一次三項鐵人 (但係自由式有待改善…)

5) 我好想三十前做一個職業足球員 (我知好發夢)

6) 遇到鍾意嘅人要去馬! 我感覺到你已經出現左 🙂 不過睇下將來我會去邊再考慮啦

7) 在職學習: 不論係做環境好, 定係真係做hostel. 因為太多野唔識太多野要學喇. 其中一樣係web design. 如果學成可以一邊做野, 一邊環遊世界

8) 發展事業, 儲多少少再backpack

當然仲有好多, 不過大目標就係呢幾個. 十年後嘅我, 如果你8 點都達成到, 我會好尊重你哈哈. 如果你一樣都做唔到, 我會對你好失望. 十年後嘅我, 我知你會笑我, 但係唔準笑! 十年後嘅我, 希望你會多謝我十年前為你做左d咩. 希望你一切安好, 繼續追你嘅夢, 用同樣嘅態度面對任何事. 記住覆信呀!

十年前的我上

今日係二零一六年十月十五日.  寫於San Diego

Advertisements

3 thoughts on “給十年後的我”

  1. 今日同左我個MENTOR食飯,傾左兩個鐘關於人生同埋點解我又再次STUCK左系度,諗通左好多亦都掘到個根本問題,睇完你封信,都覺得自己系時候要整理一下最近既一D啟發同感受。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s