有時侯在旅途中, 我只需要水一樽, 包一個, 和床一張 —下

<有時侯在旅途中, 我只需要水一樽, 包一個, 和床一張 —下>

二零一五年一月五日   於Trujillo, Peru

去旅行睇落好開心好正. 係, 不過係d辛酸野唔會成日提姐. 喺中南美洲, 搭車往往比搭飛機平五至十倍, 所以如非必要, 或者係機票真係平到同車飛價錢相約, 或者考慮到搭車有重大嘅危機, 如果唔係, 搭車係一個平好多嘅方法.  行左五個月有多, 搭過嘅巴士, 短則三四個鐘, 長則十三四個鐘.喺中美洲, 一程通宵巴士已經夠橫跨兩個國家.  落左南美洲尤其大穫. 一晚通宵車, 夠由Cuenca搭到去Mancora(可參考下圖)  最難頂嘅兩次車都係我喺係Panama發生. 分別係由Panama City去Colon 一個helpx 打工嘅地方, 同由Colon返 PC 嘅一程巴士. 兩次都係途中肚痛!!  (果兩程車, 我考慮到個人榮辱同全車人嘅利益, 真係唔係誇張, 我用盡我人生最強嘅意志力, 手腳都震哂, 忍到落車先搵個茅廁解決) 回歸正傅, 經過一次又一次長征, 我體會到人生存嘅一d最基本需求: 食, 瞓, 痾. 好似講到好核突, 但係想像十幾廿個鐘冇哂野食, 冇哂水飲, 冇覺好瞓(加埋唔好彩肚痛而冇得痌的話), 真係唔單只禮計, 仲會有就死嘅感覺. 所以有時, 有得飲啖水, 食個包, 可以撻落床好好瞓一覺, 其實已經好幸福. 而今次過境時間雖然時間唔短, 但相比忍肚痛四五個鐘, 今次真係唔算係d咩.

cuenca to trujillo

上回講到, 由Quito到南部小鎮Cuenca後, 打算搭另一程十個鐘車去Mancora, 瞓一晚, 再十個鐘落Trujillo. 但係直通去Mancora 冇哂飛, 所以計劃先去Tumbes, 再搭另外一架通巴去Trujillo. 時間為10:30pm, 亦姐係由Tumbes開車左大約兩個鐘後, 我估計架車大約去到Mancora附近嘅一 個巴士站, 車外突然冒出大量白煙, 一陣一陣嗅膠味傅到車入面. 大約十分鐘之後, 有人大叫 “Todo bajan”, 姐係叫全部人落車. 落左車就知咩料. 原來白煙唔係由d咩大廈傳黎, 而係由車tyre自己冒出. 落車後, 著白色低衫嘅職員們立刻趕爬落車底緊嘗試修理. 另外發現一個行李箱們打開左, 原來之前聽到一陣又一陣嘅敲車門聲係咁產生嘅… 好彩我地d行李係放左喺另外一個較後嘅行李箱.

我地坐埋一邊, 當然希望可以盡快上返車瞓覺啦.過左半個鐘, 佢地停哂手腳, 再打聽,  原來我地等緊同公司嘅另外一班車, 上得幾多得幾多. 係等侯期間, 職員將車內一箱又一箱疑似係蟹嘅野搬到去另外一架車到. 我有d懷疑之前係架車上面d嗅味可能係d蟹傳黎. 同時間, 已經有唔少當地人用唔同方法離開, 有d人搭順風車, 有d一個人就問下停站巴士嘅司機有冇多一個半個位. 走下走下, 全車五十人得返大約十個人, 包括德國同哥倫比亞嘅情侶. 已經等左兩三個鐘, 黎親嘅巴士似乎都冇位, 定係個司機根本冇認真問呢? 等到有人燥底鳥, 問到有咩安排同有冇機退返錢嘅時侯, 著住白色底衫, 牛仔褲加一條冇扣兼fing下fing下嘅皮帶嘅肥司機唔單只冇安排, 更用我唔多明嘅西班牙加大聲呼喝回應.  之後仲成班底衫友笑口 keke, 呢入行李chong瞓覺,好似完全冇理我地咁.

???????????????????????????????
廉價巴士公司El Sol, + 正在等侯消息嘅乘客

只係聽得明基本西班牙文嘅我, 係咁支力嘅情況下, 知道一定聽唔明佢地拗緊咩, 索性坐低, 等哥倫比亞情侶出馬. 而好好彩, 有佢地同識講好多西班牙文嘅德國男仔呀L, 有佢地係度問野係方便好多嘅.  一架又一架車埋站, 每次我地都叫底衫男幫我地問車上面有冇位, 一架駛過又一架, 我諗有十架八架, 架架都say no.

到夜晚最後一班車黎到.

今晚瞓車定瞓街, 就睇呢架車了. 底衫男又再出馬, 聽到 “Si”, 心諗太好喇… 竟然有位?! 有位當地人呀C問底衫男係咪去Trujillo, 佢話係. 之後上車前問架車目的地去邊, 司機冇出聲. 呀C猛烈追問 “Adonde va? Adonde va? Adonde va? Adonde va?” 最後chok到原來根本唔係去果個方向. 底衫男只係想hea佢, 但係都唔使講大話嗎.. 呀C堅燥底了, 係咁鬧底衫男, 但係底衫男睬你都傻. 時間為2:00am, 已經支力咩都唔想理, 好想瞓覺! 將個backpack放係地下當枕頭,  瞓下又醒下,醒下又瞓下.  以為瞓左好耐, 點知一醒先2:30….

???????????????????????????????
左: 白底衫司機; 右: 其他職員

突然聽到 vamos vamos, 有架巴士埋站, 哥倫比亞男上前針左針, up左頭, 佢話有位!! 我地五個人終於可以瞓喇…  時間係4:00am. 我地只知道呢架車係南下, 但係架車實際去邊我地都唔係好知. 係我有返知覺已經係7:00am. (先7點喳…. ) 問左問隔離一位秘魯嬸嬸 , 知架車係去Chiclayo(見上圖).早上10:00am到達.Chiclayo, 哥倫情侶決定唔去Trujillo, 而直接去Lima.  我同德國人食個早餐, 等12:30pm班車去Trujillo. 搭車途中, 水又飲哂, 又餓, 又支力. 到下晝5:00pm, 終於到達Trujillo.

???????????????????????????????
兩位真的漢子, 環顧四周環境, 女朋友們可以無憂小睡片刻 . 大家又估唔估到邊對係哥倫比亞, 邊對係德國人呢?

原本諗係分兩日, 每日十個鐘嘅車程, 今次一次過用左兩日, 由喺Cuenca 6:00am出發, 到第二日下晝5:00pm, 用左差唔多三十六個鐘, 先到達目的地. 德國人去Trujillo探佢地婆婆, 同一時間有一對英國(煩膠)情侶approach我地, 問我地係咪去市中心. 於是我就join佢地, 而就同德國人說再見了(好排住佢地!).

搵左個有床嘅地方, 今晚, 終於可以好好咁瞓返一餐!

想信一兩個星期後就會去到Machu Picchu, 亦都係我決定去中南美嘅主因!

Advertisements

One thought on “有時侯在旅途中, 我只需要水一樽, 包一個, 和床一張 —下”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s