愛的故事-上集

[故事並非純屬虛構, 絕無改篇]

[Day017] 二零一四年八月三日  於Xela, Guatemala

重回單身行行列有一年多, 除住時間沖淡, 夢見前度次數越黎越少. 不過唔知點解成日都硬係覺得差左少少野. 經過一年, 重新將重點放返落自己度, 諗下點好好令自己再進步, 好過停留喺傷心地. 上年嘅西班牙文堂, 老師嘅教學熱誠令我走上南美之路.

上個星期開始上西班牙文, 感覺幾好. 始終每日朝八晏一, 一日上足五個鐘 (不過有時放個break 又搞成大半個鐘) 有時真係有d 支力, 好處係一對一咁上, 有唔明可以即刻問. 上星期學左好多verb, 同埋好多生字… 有d想死嘅感覺. 突然諗返起小五science Miss 叫我地預習課文嘅時侯, 成頁英文有三分一都唔識嘅時侯, 有d似而加. 但係又好似冇好辛苦嘅感覺.

DSC_1583

重回基本步, 學生字同grammar

今日星期日, 同西班牙文學校d朋友去左附近一個(睡?)火山同 一個crater lake. 讀geog就學過, 但係親身去睇同踏足一個火山口湖就真係未試過. 呢個地方叫La Laguna Chicabal, 聞說馬雅人早已經覺得呢個湖係一個好神聖嘅地方, 因為湖四周經常都會好大霧. 今日去到果然係好大霧! 由車路行左大約二十分鐘到入口, 已經喘氣到傻左.  呢座山有成2700米高, 可能就係呢個原因.  大約兩個鐘之後, 到左山頂. 由山頂望落去, 原本應該有個可以望到craker lake嘅地方, 但係都白朦朦一片. 行到已經好支力之際, 終於見到曙光! 有段落斜路! 我諗我地已經到左最高嘅地方. 照常理推斷呢條路應該係落crater lake. 嘩, 不過好斜下wor, 姐係落就冇所, 上返黎攞命嗎…  姐係咁講姐. 落緊去果陣見到個五六歲嘅len仔, 踏每一級有半個佢咁高嘅樓梯,  嘅速度仲快過我地落嘅速度時, 我地班(後生)大人真係有d慚愧 lol

???????????????????????????????
頭先講果個len仔

???????????????????????????????
傅就中嘅crater lake!

???????????????????????????????
Chicabal 木牌


講返星期五, 上晝上完西班牙文就匆匆忙忙四出搵下邊度可以搵到煮香港菜嘅材料! 點解無啦啦要煮野? 因為學校逢星期五都會有potluck (即係每人都帶少少食物果d party)/ dinner. 而今個星期係potluck! 從老師口中得知zona 3 (學校喺zona 1, 行大約半粒鐘) 有間香港人開嘅餐廳, 叫Maxim. 於是我同英國friend 呀D 晏晝就一齊出去. 去到美心, 全部客都係當地人. 入到去解釋左一輪先問到話想見老細.  老細六十歲左右, 過左黎都有一段長時間. 我問佢您地有冇咩材料賣呀, 佢話得豉油果d.  既然又冇岩嘅食材for自己煮, 不如買現醒算啦. 最後買左兩盒星洲炒米算數.

DSC_1537

美心餐館:’)

Potluck 比我想像中正, 識左十個八個新朋友. 更加重要係識左個好靚女嘅__國女仔呀N. 她天使般雪白的臉, 加上烏黑嘅長髮, 細長的個子, 亭亭玉立, 叫路人不禁多望兩眼. 而她性格文靜, 但敢於大膽嘗試新事物, 感覺有d似我. 姐係大家都唔會係主動聊人傾計果種. 但係, 我地都有傾有講wor! 我地成班potluck後嘅下場就係喺樓下Pasaje Enriquez 廣埸飲返一兩杯. 呀N都有去. 大家傾落, 佢提及到佢同佢男朋友岩岩散, 同埋又好似好有興趣知我d野.   其實早幾日已經同佢打過招呼, 果陣我純粹當識朋友, 而加諗返佢遠處凝望住我果種眼神, 唔通…… 唔通咩丫, 人地都話星期六要去一去墨西哥啦.  因為佢喺危地已經留左三個月 (入境通常批三個月) . 不過, 佢話幾日後會返黎! 飲完散水, 臨走前攬左一攬說再見, 雖然只係外國人朋友之間好普通嘅禮儀, 但係我feel到呢一抱, 並非朋友咁簡單. 係Pasaje Enriquez廣埸中間, 我望住佢對住我羞澀嘅微笑, 我當時確確實實諗緊咩我唔係好記得, 我只希望可以快d快d再見到佢.

一抱道別之地- Pasaje Enriquez

7:30pm

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s